Premier Leauge គឺជាលីគមួយ ដែលប្រិយមិត្តអ្នកគាំទ្របាល់ទាត់ជាច្រើនទន្ទឹងរង់ចាំអុតដំណឹងនៃការវិលត្រលប់ជាងលីគណាៗទាំងអស់នៅអឺរ៉ុប ព្រោះរដូវកាលនេះ គឺជារដូវកាលដែលហង្សអាចនឹងលើកពាន ក្រោយខកខានអស់រយៈពេល ៣០ ឆ្នាំ។
តាមរបាយការណ៍ចុងក្រោយបញ្ជាក់ពីប្រធានសមាគមបាល់ទាត់លីគ លោក Richard Bevan បានសង្កត់ធ្ងន់ថាប្រសិនណាក្លឹបទាំងអស់មិនអនុវត្តតាមការលេងលើទីលានអព្យាក្រឹត្យ (ទីលានដែលលីគបានកំណត់ឲ្យលេង) នោះរដូវកាលសេសសល់អាចនឹងត្រូវរំសាយចោល។
តាមផែនការណ៍កំណត់គឺមានតែទីលានប៉ុន្មានប៉ុណ្ណោះ ដែល Premier League ចង់ឲ្យក្លឹបទាំងអស់បើកការប្រកួត ដោយគ្មានការអនុញ្ញាតឲ្យលេងក្នុងដី&ក្រៅដីរបស់កីឡដ្ឋាននៃក្លឹបណាមួយដោយសេរីនោះឡើយ។
បញ្ជាក់ថាស្ថានភាពវីរុស COVID-19 នៅប្រទេសអង់គ្លេសគឺមានអ្នកស្លាប់ច្រើនជាងគេនៅតំបន់អឺរ៉ុប ដោយតាមរបាយការណ៍ចុងក្រោយគឺល្ហៀងៗមានប្រមាណ ៣ មុឺននាក់ហើយ ខណៈអ្នកផ្ទុកសរុបមានខ្ទង់ ២០ មុឺននាក់៕
ប្រភព៖ AF
