អ្នកចាំទី Courtois បាននិយាយថាក្រុម Barcelona មិនគួរទទួលបានជើងឯក La Liga ទេ ព្រោះក្រុម Real Madrid នៅឆ្នាំនេះធ្វើបានល្អជាង។
ការប្រកួត La Liga មិនទាន់កំណត់ថ្ងៃអាចចូលលេងវិញបាននោះទេ ខណៈដែលក្លឹបទាំងអស់ចាប់ផ្ដើមធ្វើតេស្ដកីឡាកររបស់ខ្លួនហើយ ដើម្បីត្រៀមខ្លួនចូលប្រកួតវិញ។ ផ្ទុយទៅវិញ ប្រសិនបើមិនអាចបើកដំណើរការលីគវិញទេ នោះតាមច្បាប់គឺក្រុមដែលឈរនៅលេខ១កំពូលតារាងបច្ចុប្បន្ននឹងក្លាយជាជើងឯកតែម្ដង។ ក្រុមលេខ១ ពេលនេះ គឺ Barcelona ដែលនាំមុខ Real Madrid ២ពិន្ទុ។
ជាមួយគ្នានេះដែរ ប្រសិនបើឱ្យពានទៅ Barcelona មែន នោះអ្នកចាំទី Courtois គិតថាមិនយុត្តិធម៌នោះទេ។ អតីតកីឡាករ AT Madrid រូបនេះ យល់ឃើញថាក្រុម Real Madrid ទើបសក្ដិសមជាង ព្រោះឆ្នាំនេះ ក្រុមអធិរាជស បានយកឈ្នះលើក្រុមអ្នកមានបុណ្យ១ប្រកួត និងស្មើ១ប្រកួត។ ក្រុម Real Madrid ធ្វើបានល្អជាង Barca រដូវកាលនេះ៕ប្រភព Goal
