Erling Haaland យុវជននៅក្លឹប Borussia Dortmund ដែលកំពុងមានឈ្មោះបោះសំឡេងក្នុងវិស័យកីឡាបាល់ទាត់ បានឆ្លើយឆ្លងនូវសំណួរចាក់ដោតមួយចំនួន ដែលក្នុងនោះមានពាក់ព័ន្ធនឹងឈ្មោះ Virgil van Dijk ក៏ដូចជាលោក Frank Lampard។
សម្រាប់ Lampard បានស្ថិតក្នុងជម្រើសកីឡាករចូលនិវត្តតែមួយរូបគត់ ដែល Haaland ចង់មានឱកាសអាចរួមជើងជាមួយ នាមជាមិត្តរួមក្រុមលើទីលានប្រកួត។ (បច្ចុប្បន្នលោកជាអ្នកចាត់ការនៅ Chelsea)
រីឯ Van Dijk វិញ ត្រូវបានកីឡាករន័រវេសសរសើរមិនដាច់ពីមាត់ ថាបុរសមាឌដំបងនេះ ជាកីឡាករដ៏អស្ចារ្យ ដែលមានកម្លាំងខ្លាំងនិងល្បឿនលឿន ពោរពេញដោយសមត្ថភាពពិតៗ។
បញ្ជាក់ថា Haaland ក៏ធ្លាប់តតាំងទល់ Van Dijk នៅការប្រកួត UCL វគ្គ ៣២ ក្រុមចុងក្រោយផងដែរ ប៉ុន្តែកាលនោះបរាជ័យទាំងពីរជើង តែរូបគេក៏មានឱកាសបំប៉ោងសំណាញ់ទីមួយគ្រាប់៕ ប្រភព៖ SportBible
