មុនពេលចាកចេញពីតំណែងនាយកបច្ចេកទេសបាល់ទាត់របស់សហព័ន្ធកីឡាបាល់ទាត់វៀតណាម លោក Jurgen Gede បានផ្តល់ដំបូន្មានចុងក្រោយដល់បាល់ទាត់វៀតណាម។
លោកនឹងចាកចេញនៅថ្ងៃទី៣០ខែមិថុនាឆ្នាំ២០២០នេះស្របពេលដែលកុងត្រារបស់លោកជាមួយ VFF ត្រូវផុតសុពលភាពកុងត្រា។ការបាត់បង់លោក Jurgen Gede បានបន្សល់ទុកនូវការសោកស្តាយជាច្រើនសម្រាប់អ្នកគាំទ្របាល់ទាត់វៀតណាម ប៉ុន្តែច្បាស់ជានឹងធ្វើការផ្លាស់ប្តូរដ៏ធំមួយសម្រាប់បាល់ទាត់វៀតណាម។ មុននឹងបែកគ្នានាយកបច្ចេកទេសសញ្ជាតិអាឡឺម៉ង់បានផ្តល់ដំបូន្មានចុងក្រោយដល់វៀតណាមថា៖
“ ក្នុងរយៈពេលប៉ុន្មានឆ្នាំរបស់ខ្ញុំនៅ VFF ខ្ញុំតែងតែព្យាយាមអស់ពីសមត្ថភាព ព្រោះស្រឡាញ់បាល់ទាត់វៀតណាម។ ក្រុមជម្រើសជាតិកំពុងទទួលបានលទ្ធផលល្អប៉ុន្តែខ្ញុំនៅតែសង្ឃឹមថា VFF នឹងផ្តោតលើការអភិវឌ្ឍកីឡាករវ័យក្មេង ដើម្បីនទុកស្នងដល់កីឡាករវ័យចាស់។ នោះហើយជាការអភិវឌ្ឍប្រកបដោយចីរភាព”។