ក្លឹប PSG បានរៀបចំផែនការណ៍សម្រាប់រដូវកាល ២០២០-២១ រួចជាស្រេចហើយ ដោយក្នុងនោះប្រព័ន្ធការពារក្រោយក៏ជាគោលដៅកែតម្រូវដ៏ចាំបាច់មួយផងដែរ។
តាមរបាយការណ៍ BeSoccer បានចុះផ្សាយ ប្រធានចាត់ការផ្នែកកីឡាលោក Leonardo មានបំណងចង់បោះបង់ការរក្សាជើង Thiago Silva ដែលជាខ្សែការពារវ័យ ៣៥ ឆ្នាំតទៅទៀតហើយ ដោយបារម្ភពីកង្វះសមត្ថភាពនៅកម្រិតកំពូលមួយ។
ផ្ទុយទៅវិញ PSG បានសម្លឹងចង់នាំយក Samuel Umtiti របស់ក្លឹប Barcelona ឯណោះ ដែលកីឡាករបារាំងមានអាយុនៅតិច និងគុណភាពក៏រាប់ជាកីឡាករសំខាន់នៅអ្នកមានបុណ្យមួយរូបដែរ។
ប្រភពបានសង្កត់ធ្ងន់ PSG នឹងត្រូវតតាំងជាមួយក្លឹបធំៗជាច្រើន លើសំណើចរចានេះ ដោយតាំងពី United, Napoli, Inter, Arsenal និង Chelsea គឺសុទ្ធសឹងចាប់អារម្មណ៍កីឡាករបារាំងដូចគ្នា៕ ប្រភព៖ BeSoccer