Matteo Darmian អតីតកីឡាករនៅក្លឹបបិសាចក្រហម Man Utd បានបង្ហាញការជឿជាក់ទៅលើសមត្ថភាពរបស់ Marcus Rashford ថាយុវជននៅបិសាចក្រហមរូបនេះ ពិតជាអាចឈានដល់កម្រិតរបស់ Mbappe និងប្រជែងពាន Ballon d’Or នៅថ្ងៃខាងមុខ។
Darmain បាននិយាយដល់គ្រាដំបូងនៅពេល Rashford មកប្រលូកឲ្យឈុតធំនាឆ្នាំ ២០១៥ ក្រោមការដឹកនាំរបស់លោក Louis van Gaal។
អតីតកីឡាករនៅ Old Trafford និយាយប្រាប់ The Guardian៖ “ខ្ញុំនៅតែចងចាំ Marcus Rashoford កាលនៅពេលដំបូងដែលគេមកលេងឈុតធំជាមួយរៀមច្បង ដោយវាដូចទើបកើតឡើងកាលពីម្សិលមិញអ៊ីចឹង ពេលនោះខ្ញុំគិតថាគេពិតជាអស្ចារ្យខ្លាំងមែនទែន”។
លោកបន្ថែម៖ “ប្រសិនគេអាចបន្តបែបនេះ នោះខ្ញុំមានជំនឿចិត្តថាគេនឹងអាចឈានដល់កម្រិតរបស់ Mbappe ហើយអាចប្រជែងពាន Ballon d’Or នៅឆ្នាំបន្ទាប់ៗ”៕
ប្រភព៖ SportBible