ក្លឹប Juventus កំពុងចរចាជាមួយក្រុម FC Barcelona ដើម្បីដូរកីឡាករគ្នាម្នាក់ គឺ Pjanic និង Arthur នៅពេលរដូវកាលដោះដូរបើកនៅពេលខាងមុខនេះ។
លោក Fabio Paratici ដែលជាប្រធានផ្នែកកីឡារបស់ក្លឹប Juventus បានបង្ហើបពីរឿងខាងលើនេះ។ លោកបញ្ជាក់ថាការដោះដូរកីឡាករគ្នាបែបនេះ នឹងជួយដល់ក្លឹបច្រើន ដោយមិនចំណាយប្រាក់ដើម្បីទិញកីឡាករនោះទេ។ វាជារឿងល្អមួយ ដែលក្លឹប Juventus កំពុងតែធ្វើជាមួយក្លឹបធំៗជាច្រើន មិនមែនតែជាមួយ Barcelona ទេ។ លោកបង្ហើបថាគម្រោងដោះដូរPjanic និង Arthur អាចនឹងទទួលបានជោគជ័យក្នុងពេលឆាប់ៗ។
រំលឹកថាដោយសារតែមេរោគ Covid-19 វាយប្រហារខ្លាំង ធ្វើឱ្យសេដ្ឋកិច្ចក្លឹបធំៗនៅអឺរ៉ុបរងផលប៉ះពាល់ខ្លាំង។ ដូច្នេះហើយការដោះដូរកីឡាករខាងមុខ អាចនឹងមិនមមាញឹកដូចរដូវកាលមុនៗនោះទេ ព្រោះក្លឹបគ្រោងកាត់បន្ថយការចំណាយច្រើន៕ប្រភព Marca
