ខ្សែប្រយុទ្ធ Kylian Mbappe អាចនឹងបន្ដកុងត្រាជាមួយក្រុម PSG ទៀត ប្រសិនណាបើរូបគេទទួលបានប្រាក់ឈ្នួល៦សែនផោនក្នុង១សប្ដាហ៍ស្មើ Neymar ដែរ។
ក្រុម Real Madrid កំពុងតាមចែចូវ Mbappe ដើម្បីផ្លាស់មកលេងនៅអេស្ប៉ាញនារដូវកាលខាងមុខនេះ។ ស្របពេលកុងត្រារបស់គេនៅក្រុម PSG នឹងអស់ត្រឹមឆ្នាំ២០២២។ ក្រុមអ្នកមានរបស់បារាំងក៏ព្យាយាមនិយាយតកុងត្រាឱ្យខ្សែប្រយុទ្ធវ័យក្មេងនេះដែរ ដោយអាចនឹងតំឡើងប្រាក់ឈ្នួលរបស់គេកាន់តែខ្ពស់១កម្រិតទៀត។
ដោយប្រភពនៅបារាំងបានបង្ហើបថាប្រសិនណាបើ PSG ព្រមឱ្យ Mbappe ដល់៦សែនផោនក្នុង១សប្ដាហ៍ស្មើជាមួយ Neymar ដែរ នោះអតីតកីឡាករ Monaco អាចនឹងយល់ព្រមតកុងត្រាថ្មីទៀតមិនខាន។ តែប្រសិនបើមិនអាចដល់ទេ នោះការបន្ដកុងត្រាអាចនឹងពិបាក ព្រោះសាមីខ្លួនចង់ចាកចេញពីបារាំង ទៅរកក្លឹបថ្មីក្រៅប្រទេសហើយ៕ប្រភព Dailymail
