Man Utd ​នឹង​និយាយ​ជាមួយ Rojo ​ចំពោះ​ការ​បំពាន​ច្បាប់​នៅ​អាហ្សង់ទីន​

​ក្លឹប Manchester United ​នឹង​ហៅ​កីឡាករ Marcos Rojo ​មក​ជួប​ផ្ទាល់​និយាយ​ពី​បញ្ហា​ដែល​ខ្សែ​ការពារ​រូប​នេះ ​បំពាន​ច្បាប់​ហាម​ចេញ​ក្រៅ​នៅ​ប្រទេស​អាហ្សង់ទីន។

​Rojo ​ដែល​កំពុង​លេង​ឱ្យ​ក្រុម Estudiantes ​រហូត​ដល់​ចប់​រដូវ​កាល​នេះ ​ត្រូវ​បាន​គេ​ដឹង​ថា​មិន​គោរព​ច្បាប់​ហាម​ជួបជុំ​នៅ​ប្រទេស​អាហ្សង់ទីន​ទេ។ ​រូបគេ​បាន​អង្គុយ​ជក់​បារី ​និង​លេង​បៀរ​ជាមួយ​មិត្តភក្ដិ​ជា​ច្រើន​នាក់ ​ហើយ​ថត​វីដេអូ​បង្ហោះ​លើ​បណ្ដាញ​សង្គម​ថែម​ទៀត។ ​បង្ហោះ​បាន​តែ​ប៉ុន្មាន​ក៏​ត្រូវ​លុប​ចោល​វិញ។

​ទង្វើ​នេះ​ហើយ ​កីឡាករ​ជម្រើស​ជាតិ​អាហ្សង់ទីន​រូប​នេះ ​អាច​នឹង​ត្រូវ​រង​ពិន័យ​មិន​ខាន។ ​ជាក់​ស្ដែង​ក្រុម Man Utd ​ក៏​បាន​ប្រកាស​ថា​នឹង​និយាយ​ជាមួយ Rojo ​ផង​ដែរ ចំពោះ​ការ​ល្មើស​ច្បាប់​ដែល​បាន​ដាក់​ចេញ​ដើម្បី​ការពារ​សុវត្ថិភាព​ប្រជាជន​ពី​ការ​ឆ្លង​មេរោគ Covid-19 ​នេះ៕ប្រភព Dailymail

ភ្ជាប់ទំនាក់ទំនងជាមួយ CTS SPORT