កូន​ច្បង​អាយុ ៩ ឆ្នាំ ប្រាប់​ឲ្យ Ronaldo ជា​ឪពុក​កុំ​ទាន់​ចូល​និវត្ត ព្រោះ​ចង់​លេង​រួម​គ្នា

តារា​ឆ្នើម Cristiano Ronaldo មិន​ត្រឹម​តែ​ទទួល​បាន​ភាព​ល្បីល្បាញ​តែ​ឯកឯង​នោះ​ទេ ទៀត​សោត​សូម្បី​អ្នក​ត្រៀម​ស្នង​តំណែង​ដែល​ជា​កូន​ប្រុស​បង្កើត​ផ្ទាល់ ក៏​ជា​កីឡាករ​វ័យ​កុមារ​ដ៏​ប៉ិនប្រសព្វ​មួយ​រូប​ផង​ដែរ។

Cristiano Ronaldo Jr ដែល​មាន​អាយុ​ទើប​តែ ៩ ឆ្នាំ និង​លេង​ឲ្យ​ថ្នាល​ឈុត​តូច​របស់​ក្លឹប​សេះ​បង្កង់ Juventus ​ធ្លាប់​បំប៉ោង​សំណាញ់​ទី​ជា​ហូរហែ បាន​និយាយ​ប្រាប់​ឪពុក​របស់​ខ្លួន​ថា​គេ​ចង់​លេង​ជាមួយ​ឪពុក​រួម​ក្លឹប​តែ​មួយ​នា​ថ្ងៃ​ខាង​មុខ។

ជា​សារ​ដែល​បញ្ជាក់​ច្បាស់​ពី​សាមី​ខ្លួន Cristiaon Ronaldo និយាយ៖ “កូន​ប្រុស​ខ្ញុំ​គេ​ប្រាប់​ខ្ញុំ​ថា ប៉ា​សូម​ចាំ​ប៉ុន្មាន​ឆ្នាំ​ទៀត​ទៅ គឺ​ខ្ញុំ​ចង់​លេង​ជាមួយ​ប៉ា”។

នេះ Jr ត្រឹម​វ័យ ៩ ឆ្នាំ ហើយ​យ៉ាង​ហោច​ណាស់​ក៏​អាច​ចន្លោះ​វ័យ ១៦-១៨ ឆ្នាំ​នោះ​ដែរ ដើម្បី​មាន​ឈ្មោះ​ចូលរួម​នៅ​ក្លឹប​ពេញ​សិទ្ធ​ណា​មួយ។ បែប​នេះ​ប្រសិន​ Cristiano ព្រម​ចាំ​កូន​របស់​លោក​មែន​នោះ ក៏​រហូត​ដល់​លោក​មាន​អាយុ ៤២-៤៥ ឆ្នាំ​យ៉ាង​តិច​ដើម្បី​រួម​ជើង​ឪពុក​កូន​លើ​ទីលាន៕

ប្រភព៖ FootballArena

ភ្ជាប់ទំនាក់ទំនងជាមួយ CTS SPORT