ក្រុម Atletico Madrid របស់លោក Simone កំពុងចរចាយកខ្សែប្រយុទ្ធ Edinson Cavani ដែលនឹងអស់កុងត្រាជាមួយក្រុម PSG នៅពេលចប់រដូវកាលនេះ។
ដោយសារតែកុងត្រាអស់រដូវកាលនេះ និងមិនមានការបន្ដកុងត្រាទេ នោះ Cavani នឹងត្រូវចាកចេញពីក្រុម PSG នៅចប់រដូវកាលនេះហើយ។ ក្លឹបជាច្រើនកំពុងចាប់អារម្មណ៍លើខ្សែប្រយុទ្ធអ៊ុយរុយហ្គាយរូបនេះ ដោយសារតែមិនមានតម្លៃខ្លួនទិញពីក្លឹប ពោលគឺគ្រាន់តែចរចាប្រាក់ឈ្នួលត្រូវគ្នា គឺអាចយករូបគេមកបានហើយ។
ក្រុម AT Madrid របស់អេស្ប៉ាញ កំពុងញាប់ដៃញាប់ជើង ដើម្បីយក Cavani ឱ្យបាន។ ពួកគេបានយល់ព្រមផ្ដល់កុងត្រា២ឆ្នាំឱ្យកីឡាករវ័យ៣៣ឆ្នាំនេះ ដោយ១ឆ្នាំទទួលបាន១០លានផោន។ យ៉ាងណា មិនទាន់មានការច្បាស់លាស់អ្វីនៅឡើយទេ ដោយសារតែ Cavani ផ្ទាល់ក៏កំពុងពិចារណាដែរ ព្រោះក្លឹបនៅអង់គ្លេសជាច្រើនក៏ចង់បានរូបគេដូចគ្នា៕ប្រភព Dailymail
