ក្រុម Real Madrid បានកំណត់យកថ្ងៃទី១១ខែឧសភាឆ្នាំ២០២០នេះ ដើម្បីប្រមូលផ្ដុំហ្វឹកហាត់ឡើងវិញ ក្រោយពីផ្អាកអស់ជាច្រើនសប្ដាហ៍មក ដោយសារតែ Covid-19 ។
ក្លឹបនៅអេស្ប៉ាញ នឹងចាប់ផ្ដើមធ្វើតេស្ដកីឡាកររបស់ខ្លួនស្វែងរក Covid-19 មុនពេលឱ្យពួកគេចូលហាត់ជាមួយគ្នាបាន។ ការហាត់នោះទៀតសោត អាចនឹងធ្វើឡើងដោយរក្សាចំនួនកីឡាករហាត់ មិនអាចនៅទាំងអស់គ្នានោះទេ។ ដោយភាគច្រើនអាចផ្ដោតទៅលើក្បួនយុទ្ធសាស្ត្រលេង ជាជាងការប្រកួតសមលើទីលាន។ ដោយកីឡាករអាចនឹងហាត់កម្លាំងដោយខ្លួនឯងនៅផ្ទះ។
ក្រុម Real Madrid បានដាក់គោលដៅត្រលប់ចូលហ្វឹកហាត់មុនគេ ដោយកំណត់យកថ្ងៃ១១ខាងមុខនេះ។ ស្របពេលក្រុម FC Barcelona វិញ ក៏កំពុងរៀបចំផែនការដើម្បីប្រមូលផ្ដុំហ្វឹកហាត់វិញផងដែរ៕ប្រភព ៖ Marca
