ខ្សែបម្រើ De Bruyne បានបង្ហើបពីគម្រោងចាកចេញពីក្រុម Manchester City ប្រសិនបើក្លឹបនេះ មិនអាចលេងពានរង្វាន់ UEFA Champions League ២ឆ្នាំ។
ក្រុម Man City ត្រូវបានសហព័ន្ធបាល់ទាត់ UEFA ពិន័យរហូតដល់២ឆ្នាំឯណោះមិនឱ្យលេងពាន UEFA Champions League ទេ។ ការពិន័យនេះធ្វើឡើង ក្រោយពីសហព័ន្ធបាល់ទាត់ទ្វីបអឺរ៉ុបនេះ រកឃើញថាក្លឹបដែលមានលោក Pep ជាអ្នកចាត់ការ បានចំណាយប្រាក់ខុសច្បាប់ដែលបានចែងលើការទិញដូរកីឡាករ។
បច្ចុប្បន្នក្រុមការងាររបស់ក្លឹបកំពុងដាក់ពាក្យតវ៉ាវិញ ទៅលើការពិន័យខាងលើនេះ។ ស្របពេលកំពុងដំណើរការនេះដែរ De Bruyne មានទំនុកចិត្តថាក្លឹបនឹងរកដំណោះស្រាយបានល្អវិញមិនខាន។ តែប្រសិនបើមិនអាចមានការសម្របសម្រួលបានលេងវិញទេ នោះរូបគេអាចនឹងពិចារណាពីអនាគតខ្លួននៅក្លឹបដទៃទៀតហើយ៕ប្រភព ៖ Dailymail