ខ្សែការពារ Marcelo បានបង្ហាញអារម្មណ៍ពិតរបស់ខ្លួនថាមិនចង់ចាកចេញពីក្រុម Real Madrid ឡើយ បើទោះជាបច្ចុប្បន្នឱកាសបានលេងជម្រើស១១នាក់ដំបូងមិនមានច្រើនដូចមុនក៏ដោយ។វត្តមានរបស់ Ferland Mendy បានធ្វើឱ្យឱកាសលេងរបស់ Marcelo កាន់តែតិចទៅរដូវកាលនេះ ស្របពេលរូបគេមានបញ្ហារបួសច្រើនផង។ តែសម្រាប់ការត្រៀមរដូវកាលថ្មីខាងមុខនេះវិញ កីឡាករប្រេស៊ីលខាងលើបញ្ជាក់ថានឹងត្រៀមខ្លួនឱ្យបានល្អជាងមុន ដើម្បីប្រជែងយកកៅអីជម្រើស១១នាក់ដំបូងក្រោមការដឹកនាំរបស់លោក Zidane វិញ។
Marcelo បាននិយាយបែបនេះថា៖ “ខ្ញុំមិនចង់ចាកចេញទេ ហើយខ្ញុំក៏មិនគិតថា Real Madrid លក់ខ្ញុំចេញដែរ។ ខ្ញុំបានធ្វើយ៉ាងល្អតាំងពីមកដល់ក្លឹបនេះ។ វាជារយៈពេលយូរមកហើយ ហើយវាជារឿងដ៏អស្ចារ្យខ្លាំងណាស់។ ខ្ញុំសប្បាយចិត្តពេលដឹងមានក្លឹបជាច្រើនចង់បាន”៕
ប្រភព៖ Marca