Ronaldo/Messi បំប៉ោង​សំណាញ់​ទី​ក្លឹប​ណា​ច្រើន​ជាង​គេ​នៅ​ពាន​រង្វាន់​អឺរ៉ុប?

តារា​ឆ្នើម Lionel Messi និង Cristiano Ronaldo បាន​ឆ្លង​កាត់​ការ​ប្រកួត​ជា​ច្រើន​រាប់​មិន​អស់ ​ហើយ​នៅ​ការ​តតាំង​ពាន​រង្វាន់​អឺរ៉ុប​ក៏​ជើង​ស៊ុត​ទាំង​ ២ រូប​នេះ​រមែង​បង្កើត​កំណត់ត្រា​ជា​ហូរហែ​ដែរ។

ក្រឡេក​ទៅ​មើល​ស្ថិតិ​គ្រាប់​បាល់​នៃ​ពាន​រង្វាន់​អឺរ៉ុប UEFA គឺ Ronaldo ធ្វើ​បាន​ដល់​ទៅ ១៣១ គ្រាប់ ខណៈ Messi ធ្វើ​បាន ១១៧ គ្រាប់។ នេះ​រាប់​គ្រាប់​បាល់​នៅ​ការ​លេង​ UEFA Champions League និង UEFA Super Cup។

Messi ធ្លាប់​ស៊ុត​បញ្ចូល​ទី​ទល់​ក្រុម​ទាំង ៣៦ ហើយ​ក្នុង​នោះ​គឺ​ក្លឹប Arsenal ជា​ក្លឹប​ដែល Messi ជក់​ស៊ុត​ច្រើន​ជាង​គេ មាន​ដល់​ទៅ ៩ គ្រាប់​ត្រឹម​ការ​បង្ហាញ​ខ្លួន ៦ លើក​ឲ្យ Barcelona។

បើ​ធៀប​នឹង CR7 ក្លឹប​គូ​ប្រជែង​ដែល​កីឡាករ​ព័រទុយហ្គាល់​បំប៉ោង​សំណាញ់​ទី​បាន​ច្រើន​បំផុត គឺ Juventus ដែល​ជា​ក្លឹប​បច្ចុប្បន្ន​ផ្ទាល់​តែ​ម្តង ដោយ​កាល​នៅ Real Madrid កីឡាករ​វ័យ ៣៥ ឆ្នាំ​រក​បាន ១០ គ្រាប់​ឯ​ណោះ​ទល់​សេះ​បង្កង់៕

ប្រភព៖ SoccerLaduma

ភ្ជាប់ទំនាក់ទំនងជាមួយ CTS SPORT