ខ្សែការពារ Trent Alexander-Arnold ចង់ឱ្យកីឡាករ Sancho មកចូលរួមជាមួយក្រុម Liverpool របស់ខ្លួនវិញ ដើម្បីបានលេងជាមួយគ្នា ដូចនៅជម្រើសជាតិអង់គ្លេស។
Sancho ជាកីឡាករកំពុងឡើងជើង ហើយត្រូវបានក្លឹបនៅអង់គ្លេសជាច្រើនកំពុងដេញថ្លៃយក។ ក្នុងនោះ Manchester United ហាក់ដូចជាមានភាគរយច្រើនជាងគេ ព្រោះពួកគេហានផ្ដល់តម្លៃខ្លួនខ្ពស់ជាងក្លឹបដទៃទៀតដែលជាគូប្រជែងដូចជា Liverpool និង Chelsea ជាដើម។
តែបើតាម Trent Alexander-Arnold វិញ បានបញ្ជាក់ថារូបគេកំពុងបញ្ចុះបញ្ចូលឱ្យមិត្តរួមសញ្ជាតិនេះ មកលេងនៅ Anfield វិញ។ ខ្សែការពារឆ្នើមរបស់ហង្សក្រហម បានហៅ Sancho ថាជាកីឡាករមានទេពកោសល្យល្អ។ ប្រសិនបើរូបគេមកលេងនៅ Liverpool នោះនឹងកាន់តែជួយឱ្យក្រុមនេះល្អឡើងមួយកម្រិតទៀត៕ប្រភព Dailymail
