អ្នកចាំទី Andre Onana បានត្រៀមខ្លួនជាស្រេចក្នុងការផ្លាស់ចេញពីក្រុម Ajax ក្រោយចំណាយពេល៥ឆ្នាំនៅក្លឹបហុល្លង់មួយនេះ។
កីឡាករវ័យ២៤ឆ្នាំបាននិយាយថា៖ “ខ្ញុំពិតជាពេញចិត្តណាស់ជាមួយក្រុម Ajax កន្លែងដែលខ្ញុំសប្បាយចិត្តបំផុតប៉ុន្មានឆ្នាំមកនេះ។ ខ្ញុំបានចំណាយ៥ឆ្នាំដ៏រីករាយនៅទីនេះ ប៉ុន្តែពេលនេះខ្ញុំគិតថាវាដល់ពេលដែលខ្ញុំត្រូវស្វែងរកបទពិសោធថ្មីហើយ។ ខ្ញុំមានមហិច្ឆតាសំខាន់មួយដើម្បីឈ្នះពានរង្វាន់”។
FC Barcelona គឺជាក្រុមទីមួយដែលមានភាគរយច្រើនជាងគេក្នុងការនាំយកអ្នកចាំទីខាងលើទៅលេងនៅរដូវកាលក្រោយ។ តែប្រសិនបើក្រុមអ្នកមានបុណ្យចង់បាន ពួកគេក៏ត្រូវចំណាយច្រើនដែរលើតម្លៃខ្លួនរបស់ Onana នេះ៕ប្រភព Marca
