មិនមែន Coutinho តែ Messi ចង់​ឲ្យ Barce លក់​កីឡាករ​មួយ​រូប​នេះ​ជាង

ជុំវិញ​ចចាមអារ៉ាម​នៃ​ការ​ចាកចេញ​របស់ Pihlippe Coutinho ​អាច​នឹង​ធ្វើ​ឲ្យ​ទីផ្សារ​ដោះដូរ​នា​ពេល​បន្ទាប់​នឹង​ផ្ទុះ​ខ្លាំង ប្រសិន Barcelona ព្រម​ក្នុង​ការ​លក់​រូប​គេ​ចេញ​មែន​នោះ។

យ៉ាងណាមិញ​តាម​របាយការណ៍​ពី The Athletic បាន​ចុះ​ផ្សាយ សម្រាប់ Messi ដែល​ជា​អ្នក​ផ្តល់​យោបល់​ដល់​សំខាន់​មួយ រួម​ទាំង​មិត្ត​រួម​ក្រុម​ភាគ​ច្រើន​គឺ​ជំរុញ​ឲ្យ Barcelona គួរ​លក់​ចេញ​យុវជន Ousmane Dembele ចេញ​ពី​ក្លឹប ជា​ជាង​ការ​លក់ Philippe Coutinho។

ផែនការណ៍​លក់​នេះ ឆ្លើយតប​ទៅ​នឹង​តម្រូវ​ការ​ក្នុង​ការ​ប្រមូល​ថវិកា​ដើម្បី​ចរចា​យក Neymar ចេញ​ពី Paris Saint-Germain និង​ត្រលប់​មក​កាន់ Camp Nou វិញ។

រំឭក​ថា​ទាំង Coutinho និង Dembele សុទ្ធ​សឹង​ជួប​បញ្ហា​ដូច​គ្នា​នៅ​អ្នក​មាន​បុណ្យ ដោយ​កីឡាករ​ប្រេស៊ីល​មិន​អាច​បង្ហាញ​ទម្រង់​លេង​ល្អ ខណៈ​កីឡាករ​បារាំង​ជួប​របួស​ញាំញី​ច្រើន៕ ប្រភព៖ SoccerLaduma

ភ្ជាប់ទំនាក់ទំនងជាមួយ CTS SPORT