Emery ​ចង់​ត្រលប់​ទៅ​ដឹក​នាំ​ក្រុម​នៅ​អេស្ប៉ាញ​វិញ​

​លោក Unai Emery ​ដែល​ត្រូវ​ក្រុម​កាំភ្លើង​ធំ​បណ្ដេញ​ចេញ​ពី​តំណែង​អ្នក​ចាត់ការ​កន្លង​ទៅ​នេះ ​បាន​បង្ហើប​ថា​លោក​ចង់​ទៅ​ដឹក​នាំ​ក្រុម​នៅ​អេស្ប៉ាញ​វិញ។

​អតីត​អ្នក​ចាត់ការ​ក្រុម Sevilla ​ត្រូវ​បាន​ក្រុម​កាំភ្លើង​ធំ​ដក​ចេញ ​ក្រោយ​ពី​ដឹក​នាំ​ក្រុម​មិន​បាន​ល្អ​កាល​ពី​ខែ​វិច្ឆិកា​ឆ្នាំ​២០១៩​កន្លង​ទៅ។ ​ការ​ដក​លោកចេញ​នេះ ​ក្រុម Arsenal ​បាន​តែងតាំង​លោក Arteta ​មក​ឡើង​ជំនួស​វិញ​ដល់​បច្ចុប្បន្ន​នេះ។ ​ដោយ​គិត​ពី​ពេល​នោះ​រហូត​មក​ដល់​បច្ចុប្បន្ន ​លោក Emery ​នៅ​មិន​ទាន់​ទទួល​បាន​ការងារ​ថ្មី​នោះ​ទេ។

យ៉ាងណាមិញ ​លោក​បាន​បង្ហើប​ថា​តាម​គម្រោង​ទៅ​ថ្ងៃ​អនាគត ​លោក​ចង់​ទៅ​ដឹក​នាំ​ក្រុម​នៅ La Liga ​វិញ។ បុរស​វ័យ​៤៨​ឆ្នាំ​បាន​បង្ហើប​ថា​លោក​នឹង​ការ​ប្រកួត​នៅ​អេស្ប៉ាញ ​និង​ពេល​វេលា​ដែល​ជោគជ័យ​បំផុត​ជាមួយ​ក្រុម Sevilla ​ដោយ​អាច​ឈ្នះ​ពាន​រង្វាន់ Europa League ​បាន​៣​ឆ្នាំ​ជាប់​គ្នា។ ​លោក ​រំពឹង​ថា​នឹង​ទទួល​បាន​ការងារ​ថ្មី​នៅ​ពេល​ឆាប់​ៗ​ខាង​មុខ​នេះ៕ប្រភព Dailymail

ភ្ជាប់ទំនាក់ទំនងជាមួយ CTS SPORT