Mbappe ​ក្លាយ​ជា​កីឡាករ​ក្មេង​បំផុត ​បំបែក​កំណត់ត្រា Pele ​រយៈ​ពេល​៦០​ឆ្នាំ

Kylian Mbappe ​បាន​ក្លាយ​ជា​កីឡាករ​ក្មេង​​បំផុត អាច​រក​គ្រាប់​បាល់​បាន​នៅ​វគ្គ​ផ្ដាច់ព្រ័ត្រ FIFA World Cup ​ចាប់​តាំង​ពី​ឆ្នាំ​១៩៥៨​មក។

បារាំង​បាន​យក​ឈ្នះ​លើ​ក្រុម​ក្រូអាត ​៤-២ ​លើក​ពាន World Cup ​នៅ​ឆ្នាំ​នេះ​និង​ជា​កំណត់ត្រា​លើក​ពាន​មួយ​នេះ​ជា​លើក​ទី​២។ អ្វី​ដែល​កាន់​តែ​ពិសេស​សម្រាប់​បារាំង​ទៀត​នោះ ​យុវជន​ឆ្នើម​របស់​ខ្លួន Kylian Mbappe ​បាន​បំបែក​កំណត់ត្រា​របស់ Pele ​ថែម​ទៀត​ផង។ ពោល​គឺ​ជា​កីឡាករ​ថ្មី​ម្នាក់​ទៀត ​ដែល​ជា​​យុវជន អាច​រក​គ្រាប់​បាល់​បាន​នៅ World Cup ​វគ្គ​ផ្ដាច់ព្រ័ត្រ ដូច Pele ​ធ្វើ​បាន​នៅ​ឆ្នាំ​១៩៥៨​ដែរ។

មិន​ត្រឹម​តែ​ប៉ុណ្ណឹង​ទៀត​សោត ​ខ្សែ​ប្រយុទ្ធ​វ័យ​១៩​ឆ្នាំ​របស់​បារាំង​ខាង​លើ​នេះ ​រក​បាន​៤​គ្រាប់​ក្នុង World Cup ​ឆ្នាំ​នេះ ​ហើយ​ទទួល​បាន​ពាន​រង្វាន់​កីឡាករ​យុវជន​ល្អ​ជាង​គេ​ថែម​ទៀត​ផង។ កីឡាករ​លេង​នៅ PSG ​រូប​នេះ ​ត្រូវ​បាន​គេ​គិត​ថា​ជា​តួ​អង្គ​សំខាន់​ម្នាក់​សម្រាប់​បារាំង ​លេង​នៅ​ព្រឹត្តិការណ៍​នេះ ​ដោយ​រូបគេ​ជា​អ្នក​បង្កើត​ឱកាស​ជា​និច្ច៕ប្រភព៖ dailymail

 

ភ្ជាប់ទំនាក់ទំនងជាមួយ CTS SPORT
  • អត្ថបទថ្មី