“កីឡាករ​ជួរ​មុខ​ Real ​បច្ចុប្បន្ន​រូប​នេះ អាច​រាប់​ក្នុង​ចំណោម​កីឡាករ​ល្អ​ដាច់​គេ​ក្នុង​លោក” – Suker

អតីត​កីឡាករ​ជើង​ចាស់​ក្រូអាត​លោក Davor Suker បាន​និយាយ​ថា​ខ្សែ​ប្រយុទ្ធ Karim Benzema របស់​ក្លឹប Real Madrid ​បច្ចុប្បន្ន​នេះ អាច​រាប់​ក្នុង​ចំណោម​កីឡាករ​ល្អ​ដាច់​គេ​ក្នុង​ពិភពលោក។

ខ្សែ​ប្រយុទ្ធ​ជួរ​មុខ​សញ្ជាតិ​បារាំង បាន​ចាយ​ពេល​តាំង​ពី​ឆ្នាំ ២០០៩ ជាមួយ​ស្តេច​ស ហើយ​បង្ហាញ​ខ្លួន​ច្រើន​ជាង ៥០០ ប្រកួត​ហើយ​ឲ្យ​ក្លឹប។ Benzema នៅ​តែ​ស្ថិត​ក្នុង​ជម្រើស​ដំបូង​ទល់​បច្ចុប្បន្ន ដែល​រដូវ​កាល ១៩/២០ រក​បាន ១៩ គ្រាប់​នៅ ៣៦ ប្រកួត​ក្រោម​ការ​ដឹកនាំ​របស់ Zidane។

ថ្លែង​ពី​លោក Suker ដែល​ធ្លាប់​ឈ្នះ​ពាន​ LaLiga/UCL អំឡុង​ពេល​លេង​នៅ Bernabeu បាន​និយាយ៖ “ខ្ញុំ​ស្រលាញ់ Benzema ក្នុង​នាម​ជា​កីឡាករ​ពាក់​អាវ​លេខ ៩ ណាស់ ដោយ​សព្វថ្ងៃ​គេ​បាន​ចារ​ឈ្មោះ​ក្នុង​ប្រវត្តិសាស្រ្ត​ Real Madrid ហើយ”។

លោក​បន្ថែម​ទៀត​ថា៖ “ខ្ញុំ​ពេញចិត្ត​ការ​លេង​របស់​គេ ហើយ​ក៏​គ្មាន​ការ​សង្ស័យ​អ្វី​នោះ​ដែរ​ថា​គេ​គឺ​ជា​កីឡាករ​ដ៏​ល្អ​ដាច់​គេ​មួយ​រូប​ក្នុង​ពិភពលោក”៕ ប្រភព៖ AF

ភ្ជាប់ទំនាក់ទំនងជាមួយ CTS SPORT