Braithwaite ខ្សែប្រយុទ្ធដែលក្រុម Barcelona ទើបទិញចូលនៅខែកុម្ភៈកន្លងទៅ បាននិយាយថាគ្មានកីឡាករណាម្នាក់ព្យាយាមហ្វឹកហាត់ខ្លាំងដូចជារូបគេនោះទេ។
ក្រុម Barcelona បានទិញយក Braithwaite ពីក្រុម Leganes ក្នុងតម្លៃខ្លួន១៥លានផោន កាលពីខែកុម្ភៈឆ្នាំ២០២០កន្លងទៅ។ ការទិញកីឡាករបានទោះចប់រដូវកាលដោះដូរកីឡាករនេះ ក៏ព្រោះតែក្រុម Barca បានប្រាប់ទៅថ្នាក់ដឹកនាំ La Liga ហើយថា ពួកគេនឹងទិញកីឡាករម្នាក់ដើម្បីជំនួសតំណែង Suarez និង Dembele ដែលរងរបួស។
កីឡាករវ័យ២៨ឆ្នាំបាននិយាយថា៖ “Barcelona បានធ្វើឱ្យខ្ញុំប្រឹងប្រែងទ្វេដង។ ខ្ញុំបានហ្វឹកហាត់ជាខ្លាំង។ ដូច្នេះនៅពេលត្រលប់ចូលលេងវិញ ខ្ញុំគិតថាខ្ញុំនឹងកាន់តែល្អមួយកម្រិតទៀតទាំងកាយសម្បទា និងកម្លាំង។ គ្មាននរណាម្នាក់ ហ្វឹកហាត់ខ្លាំងដូចខ្ញុំនោះទេ”៕ប្រភព Marca
