កាលពីថ្ងៃចន្ទកន្លងទៅនេះ សហព័ន្ធបាល់ទាត់អាហ្សង់ទីន បានប្រកាសថាការប្រកួតដែលនៅសល់ទាំងអស់ នឹងត្រូវរំសាយចោលតែម្ដង ដោយសារតែមេរោគ Covid-19 កំពុងរីករាលដាល។
លោក Claudio Tapia ប្រធានសហព័ន្ធបាល់ទាត់អាហ្សង់ទីន បាននិយាយថា៖ “យើងបានបញ្ចប់ការប្រកួតទាំងអស់ហើយ។ យើងមានគម្រោងដើម្បីលេងវិញដែរ ប៉ុន្តែដើម្បីជាសុវត្ថិភាពសម្រាប់គ្រប់គ្នា គឺយើងមានតែបោះបង់វាចោល”។ សម្រាប់ការរំសាយចោលនេះដែរ គឺមិនមានក្រុមណាជាជើងឯកនោះទេ ហើយក៏មិនមានគ្រប់ដែលត្រូវកាត់ចោលផងដែរ។
ការរំសាយចោលដោយគ្មានកាត់ក្រុមទៅលីគទី២នេះ នឹងធ្វើឱ្យលោក Diego Maradona ចំណេញទៅវិញ។ ក្រុម Gimnasia របស់លោក កំពុងស្ថិតនៅបាតតារាង ហើយត្រូវកាត់ចោលសម្រាប់រដូវកាលក្រោយ តែដោយសារតែរំសាយបែបនេះ នោះពួកគេនឹងអាចលេងនៅលីគកំពូលបានទៀតនៅរដូវកាលក្រោយ៕ប្រភព Dailymail
