បាល់ទាត់នៅតំបន់អឺរ៉ុបបានផ្អាកតាំងពីពាក់កណ្ដាលខែមិនា ហើយមកទល់ពេលនេះគឺមានរយៈពេលជាងមួយខែកន្លះហើយដែលអ្នកគាំទ្រវិស័យកីឡាបាល់ទាត់ បានខកខានទស្សនាកីឡាករដែលជា idol របស់ខ្លួន។
ដោយមើលឃើញពីស្ថានភាពនៃវីរុស COVID-19 ហាក់មានការចុះថមថយ ក្រឡេកទៅបណ្តាប្រទេសមួយចំនួនដូចជាអ៊ីតាលី និងអាល្លឺម៉ង់បានផ្តល់តម្រុយវិជ្ជមានសម្រាប់ការត្រលប់មកវិញរបស់បាល់ទាត់ហើយ។
នាខែឧសភាខាងមុខនេះ យើងនឹងទទួលបានដំណឹងល្អច្រើនពីបាល់ទាត់អឺរ៉ុប ដោយនៅ Bundesliga មានភាគរយខ្ពស់នឹងចាប់ផ្តើមការប្រកួតផ្លូវការឡើងវិញនាថ្ងៃទី ៩ ឧសភាខាងមុខ។ នៅ Serie A ថ្ងៃទី ៤ ឧសភា ក៏ត្រូវបានប្រកាសថានឹងធ្វើការហ្វឹកហាត់វិញហើយ ប៉ុន្តែមិនទាន់ប្រមូលផ្ដុំលក្ខណៈទ្រង់ទ្រាយធំឡើយ ខណៈការវិលចូលទីលានប្រកួតអាចនឹងធ្វើទៅបាននាដើមខែមិថុនា។
សរុបមកវិញនេះនៅតែជាសញ្ញាល្អមួយសម្រាប់អ្នកនិយមគាំទ្រវិស័យកីឡាបាល់ទាត់ ដែលបានទន្ទឹងរង់ចាំជាច្រើនថ្ងៃមកហើយនោះ៕
