ក្រុមកាំភ្លើងធំ Arsenal កំពុងនាំមុខគេ ក្នុងការនាំយកខ្សែបម្រើប្រយុទ្ធ Willian ទៅរួមក្រុម ក្រោយពីរូបគេអស់កុងត្រាជាមួយ Chelsea នៅចប់រដូវកាលនេះ។
កីឡាករប្រេស៊ីលខាងលើ នឹងអស់កុងត្រានៅត្រឹមខែកក្កដាឆ្នាំ២០២០ខាងមុខនេះ ហើយក្លឹប Chelsea ក៏បានព្យាយាមនិយាយបន្ដកុងត្រាដល់រូបគេដែរ។ តែសម្រាប់សាមីខ្លួន Willian វិញ ហាក់ដូចជាលែងចង់នៅ Stamford Bridge ទៀតហើយ។ រូបគេបានបញ្ជាក់ថាចង់ស្វែងរកក្លឹបថ្មី តែក្នុងក្របខណ្ឌអង់គ្លេសដដែល ដើម្បីស្រង់បទពិសោធ។
ដោយក្នុងនោះក្រុម Arsenal ជាបេក្ខភាពឈានមុខគេ ក្នុងការនាំយកកីឡាករវ័យ៣១ឆ្នាំនេះទៅរួមក្រុម។ ពួកគេបានចរចាជាមួយសាមីខ្លួនផ្ទាល់ ដោយបានផ្ដល់លក្ខខណ្ឌល្អៗជាច្រើនសម្រាប់ Willian ដើម្បីពិចារណាឱ្យបានច្បាស់៕ប្រភព Dailymail
