មិន​ទាក់ទង​ PSG ដោយ​ផ្ទាល់ តែ Klopp ស្កាត់​រត់ការ​តាម​បុគ្គល​ជិតស្និទ្ធ​ម្នាក់​របស់ Mbappe

អ្នកចាត់ការ​លោក Jurgen Klopp របស់​ហង្ស​ក្រហម Liverpool ​ត្រូវ​បាន​គេ​រាយការណ៍​ថា​ទាក់ទង​ដោយ​សម្ងាត់​មួយ​តាម​រយៈ​ឪពុក​របស់​កីឡាករ Kylian Mbappe ដើម្បី​ឲ្យ​ជួយ​បញ្ចុះបញ្ចូល​កូន​ប្រុស​ខ្លួន​ចាកចេញ​ពី​ទឹកដី​ទីក្រុង​ប៉ារីស។

Mbappe ជា​កីឡាករ​ដែល​កំពុង​លេចធ្លោ​ដាច់​គេ​មួយ​នៅ​អឺរ៉ុប​នា​ពេល​បច្ចុប្បន្ន ដោយ​ល្ហៀងៗ​ថា Real និង Liverpool កំពុង​ប្រជែង​ចង់​បាន​យុវជន​វ័យ ២១ ឆ្នាំ ដោយ​ហ៊ាន​ផ្តល់​សំណើ​ប្រមាណ ២៥០ លាន​ផោន។

តាម​សារព័ត៌មាន Le10Sport ចុះ​ផ្សាយ Klopp បាន​ទាក់ទង​ទៅ​ឪពុក​របស់ Mbappe ​ដើម្បី​ឲ្យ​ជួយ​ចរចា​នាំ​កូន​ប្រុស​ខ្លួន​មក​កាន់​ទឹកដី Anfield ជា​ជាង​ចរចា​ត្រង់​ជាមួយ​នឹង​ក្លឹប​បារាំង។ យុទ្ធសាស្រ្ត​នេះ​ត្រូវ​បាន​ជឿ​ថា អាច​នឹង​មាន​ប្រសិទ្ធភាព​ជាង​ការ​ទាក់ទង​ទៅ​កាន់​ក្លឹប PSG ព្រោះ​ក្លឹប​បារាំង​ហាក់​មិន​អើពើ​សំណើ​លក់​រូប​គេ​ទាល់​តែ​សោះ។

បញ្ជាក់​ថា​នា​រដូវ​កាល ២០១៩/២០ Mbappe រក​បាន ៣០ គ្រាប់​ហើយ​ឲ្យ​ក្លឹប PSG។ ដោយឡែក​ភាព​ជោគជ័យ​របស់​ហង្ស​ក្នុង​ការ​ឈ្នះ​ពាន UCL, UEFA Super Cup និង Club World Cup នៅ​រយៈ​ពេល ១០ ឆ្នាំ​ចុង​ក្រោយ ក៏​នឹង​ជា​ហេតុផល​ដែល​ជួយ​អូសទាញ​កីឡាករ​រូប​នេះ​ផង​ដែរ៕

ប្រភព៖ AF

ភ្ជាប់ទំនាក់ទំនងជាមួយ CTS SPORT