ក្រុម Chelsea ទំនងជារក្សាទុកអ្នកចាំទី Kepa របស់ខ្លួនទៀតហើយ ក្រោយពីមេរោគ Covid-19 ធ្វើឱ្យសេដ្ឋកិច្ចក្លឹបបាល់ទាត់ធ្លាក់ចុះ មិនមានប្រាក់ច្រើនដើម្បីទិញកីឡាករទេ។
Kepa នេះ ត្រូវបានក្រុម Chelsea ទិញចូលមកក្នុងតម្លៃខ្លួនខ្ពស់មែនទែន រហូតដល់៧២លានផោនឯណោះ។ តែវត្តមានរបស់កីឡាកររូបនេះ ហាក់ដូចជាមិនអាចជួយក្រុមឱ្យរក្សាសំណាញ់ទីបានល្អនោះទេ។ មានដំណឹងជាយូរមកហើយ ថាក្រុមតោខៀវនឹងលក់កីឡាករអេស្ប៉ាញនេះចេញតែម្ដង នៅពេលតម្លៃខ្លួនរបស់គេសមរម្យ។
ដោយឡែកនៅពេលនេះ តម្លៃខ្លួនកីឡាករធ្លាក់ចុះខ្លាំង ព្រោះតែ Covid-19 អាចនឹងធ្វើឱ្យក្រុមរបស់លោក Lampard ពិចារណាម្ដងទៀតហើយ។ ពួកគេចង់លក់អ្នកចាំទីខាងលើក្នុងតម្លៃខ្លួនឱ្យបានខ្ពស់បន្តិច តែប្រសិនបើបានតម្លៃខ្លួនថោកក៏ក្រុមនៅអង់គ្លេស នឹងមិនលក់ចេញនោះដែរ៕ប្រភព Dailymail
