អ្នកចាំទី Onana និយាយ​ពាក្យ​លា​អ្នក​គាំទ្រ Ajax ជា​ផ្លូវការ​ហើយ

Andre Onana អ្នកចាំទី​កាន់​ឆ្នាំ​របស់​ក្លឹប Ajax ថ្មីៗ​នេះ​បាន​និយាយ​ពាក្យ​លា បង្កប់​ន័យ​ដល់​ការ​ចាកចេញ​ទៅ​កាន់​អ្នក​គាំទ្រ​ជា​ផ្លូវការ​ហើយ តាម​រយៈ​បណ្តាញ​សង្គម Instagram។

សារ​នៃ​ការ​ចាកចេញ ធ្វើ​ឡើង​ក្រោយ​លីគ​ហូឡង់​ប្រកាស​រំសាយ​រដូវ​កាល​ ២០១៩/២០ ចោល ដែល​ជា​ការ​ខាតបង់​លទ្ធភាព​ប្រជែង​ពាន Eredivisie ដែល Ajax កំពុង​ឈរ​កំពូល​តារាង​ស្រាប់។

Onana បាន​សរសេរ​នៅ​លើ Instagram អម​រូបភាព​កីឡដ្ឋាន​ទទេ​បែប​នេះ​ថា៖ “ដំណើរ​ផ្សងព្រេង​បាន​មក​ដល់​ទី​បញ្ចប់​ដោយ​ភាព​ទទេ​ស្អាត​នៃ​កីឡដ្ឋាន ប៉ុន្តែ​ពោរពេញ​ដោយ​មោទនភាព​និង​ភាព​ពេញ​ចិត្ត សូម​អរគុណ​ដល់​អ្នក​រាល់​គ្នា​សម្រាប់​ការ​ស្រលាញ់​និង​គាំទ្រ”

បញ្ជាក់​ថា​ទ្រនំ​បន្ទាប់ ដែល​មាន​ភាគរយ​ខ្ពស់​បំផុត​សម្រាប់ Onana គឺ​អាច​ជា​នៅ​តោ​ខៀវ Chelsea ឬ​ថ្នាល​យុវជន​ចាស់​នៃ​ក្លឹប FC Barcelona៕

ប្រភព៖ Metro

ភ្ជាប់ទំនាក់ទំនងជាមួយ CTS SPORT