Messi ​ចង់​ឱ្យ Barca ​ទិញ​យក Neymar ​ជា​ជាង Lautaro ​

​ខ្សែ​ប្រយុទ្ធ Lionel Messi ​ពេញ​ចិត្ត​សមត្ថភាព​របស់ Neymar ​ជាង​មិត្ត​រួម​សញ្ជាតិ Lautaro Martinez ​ដែល​ក្លឹប Barcelona ​គ្រោង​ទិញ​យក​នៅ​ពេល​ខាង​មុខ​នេះ​។

​ក្រុម​អ្នក​មាន​បុណ្យ​កំពុង​បើក​ការ​ចរចា​ជា​ច្រើន​លើក​ជាមួយ​ក្រុម Inter Milan ​ដើម្បី​ទិញ​យក​ខ្សែ​ប្រយុទ្ធ Lautaro Martinez ។ ​កីឡាករ​អាហ្សង់ទីន​រូប​នេះ ​លេង​បាន​ល្អ​នៅ​រដូវ​កាល​នេះ ​ទើប​បាន​ជា​មាន​ក្លឹប​ធំ​ៗ​ជា​ច្រើន​ចង់​បាន​រូបគេ​ទៅ ​ជាក់​ស្ដែង​ក្រុម Barca ​ក៏​ស្ថិត​ក្នុង​ចំណោម​ក្លឹប​ទាំង​អស់​នោះ​ផង​ដែរ។ ​កាសែត​នៅ​អេស្ប៉ាញ ​មាន​ទំនុក​ចិត្ត​ថា​ក្រុម​របស់​លោក Setien ​នឹង​យក​បាន Superstar ​នៅ​អ៊ីតាលី​នេះ​មិន​ខាន ប្រសិន​បើ​ពួកគេ​ប្រឹងប្រែង​អស់​លទ្ធភាព​។

​តែ​ជាក់​ស្ដែង​សម្រាប់ Messi ​ដែល​ជា​ប្រធាន​ក្រុម និង​ជា​កីឡាករ​ធ្លាប់​លេង​ជាមួយ Lautaro Martinez ​និង Neymar ​វិញ ​បាន​ផ្ដល់​យោបល់​ថា​គឺ​កីឡាករ​ប្រេស៊ីល​នឹង​ល្អ​ជាង ​ហើយ​ជួយ​ក្រុម​បាន​ច្រើន​មិន​ខាន ប្រសិន​បើ​រូបគេ​ត្រលប់​មក​វិញ​លើក​ទី២។ ​Neymar ​នេះ ​ក៏​ជា​កីឡាករ​ដែល​ក្រុម Barcelona ​ចង់​ទិញ​ទៅ​វិញ​ដែរ​តាំង​ពី​រដូវ​កាល​មុន ប៉ុន្តែ​ដោយសារ​តម្លៃ​ខ្លួន​គេ​ថ្លៃ​ពេក ទើប​មិន​មាន​ការ​សម្រេច​ណា​មួយ​កើត​ឡើង។ Messi ​ស្រលាញ់ Neymar ​ខ្លាំង ដោយសារ​តែ​២​នាក់​នេះ ធ្លាប់​លេង​សហការ​គ្នា​បាន​ល្អ ​កាល​ពី​ពេល​កន្លង​ទៅ​ម្ដង​មក​ហើយ៕ប្រភព Dailymail

ភ្ជាប់ទំនាក់ទំនងជាមួយ CTS SPORT