Modric ​អាច​ចេញ​ពី Real Madrid ​ដើម្បី​ទុក​កៅអី​ឱ្យ ​Odegaard ​

​ខ្សែ​បម្រើ Luka Modric ​អាច​នឹង​ចាកចេញ​ពី​ក្រុម Real Madrid ​នៅ​ពេល​ចប់​រដូវ​កាល​នេះ ​ក្រោយ​ពី​ក្លឹប​ចង់​បាន​កីឡាករ​វ័យ​ក្មេង ​Martin Odegaard ​មក​រួម​ក្រុម​វិញ​។

​Martin Odegaard ​កំពុង​ធ្វើ​បាន​ល្អ​មែនទែន​សម្រាប់​រដូវ​កាល​នេះ ​ក្រោយ​ពី​ត្រូវ​ក្លឹប Real Sociedad ​ខ្ចី​ជើង​ទៅ។ ​រូបគេ​តែងតែ​ជាប់​ជម្រើស​១១​នាក់​ដំបូង ​និង​ស្វែង​រក​ឱកាស​ដើម្បី​ជួយ​ក្រុម​រក​គ្រាប់​បាល់​ជា​និច្ច។ ​ស្រប​ពេល​ទៅ​មើល Modric ​វិញ វ័យ​ជ្រេ​ទៅ​ហើយ ​និង​ឱកាស​ចូល​លេង​ក៏​មិន​សូវ​មាន​ច្រើន​ដែរ​សម្រាប់​រដូវ​កាល​នេះ។ ​ដូច្នេះ​ហើយ ការ​ចាកចេញ​របស់​គេ អាច​នឹង​កើត​មាន​ឡើង​មិន​ខាន​ពេល​រដូវ​កាល​ដោះដូរ​កីឡាករ​ខាង​មុខ​បើក។

​បើ Modric ​ចាកចេញ​មែន ​នោះ​ក្រុម Real Madrid ​ប្រាកដ​ណាស់​នឹង​យក Odegaard ​ត្រលប់​មក​រួម​ក្រុម​វិញ​មិន​ខាន។ ​កីឡាករ​វ័យ​ក្មេង​ខាង​លើ​នេះ ​ត្រូវ​បាន​លោក Zidane ​មើល​ឃើញ ​ដើម្បី​ពង្រឹង​សមត្ថភាព​មក​ជំនួស​តំណែង​កីឡាករ​ក្រូអាត​ស្រាប់​ទៅ​ហើយ៕ប្រភព Dailymail

ភ្ជាប់ទំនាក់ទំនងជាមួយ CTS SPORT