ក្រុម Arsenal និង Liverpool បានដាក់សំណើយកខ្សែប្រយុទ្ធ Adama Traore ក្រោយពីឃើញរូបគេលេងបានល្អនារដូវកាលនេះ។
អតីតកីឡាករ Barcelona ខាងលើនេះ ក្លាយជាកីឡាករដែលគេចាប់អារម្មណ៍ម្នាក់ក្នុងលីគកំពូលអង់គ្លេស Premier League នារដូវកាលនេះ។ រូបគេមានមាឌធំ និងល្បឿនលឿនដែលធ្វើឱ្យខ្សែការពារពិបាកបិទខ្លាំងមែនទែន។ រូបគេរកបាន៦គ្រាប់ និងបញ្ជូនបាល់ឱ្យមិត្តរួមក្រុមបាន១០គ្រាប់ឱ្យក្រុមលោក Nuno ប្រជែងកៅអីលេងពានរង្វាន់អឺរ៉ុបជាមួយក្រុមធំៗបាន។
បើតាមការបញ្ជាក់របស់ភ្នាក់ងារកីឡាករខាងលើ គឺមានក្លឹប២នៅអង់គ្លេសចង់បានរូបគេដែរ។ ក្នុងនោះមាន Arsenal និង Liverpool បានបង្ហាញការចាប់អារម្មណ៍ខ្លាំងជាងគេ។ តែអាចពិបាកបន្តិច ដោយសារតែក្រុម Wolves បានដាក់តម្លៃខ្លួនរូបគេដល់ទៅ៧០លានផោនឯណោះ៕ ប្រភព Dailymail
