ជំនួយការ​ប្រធានាធិបតី​នីហ្សេរីយ៉ា ​ជំរុញ​ឲ្យ Ronaldo ទិញ​ឈ្មោះ​ Camp Nou ហើយ​ប្ដូរ​ទៅ​ជា “CR7 Stadium”

ជំនួយ​ការ​ផ្ទាល់​ខ្លួន​របស់​ប្រធានាធិបតី​នៃ​ប្រទេស​នីហ្សេរីយ៉ា​លោក Bashir Ahmad ថ្មីៗ​នេះ​បាន​សរសេរ​នៅ​លើ Twitter ដោយ​ជំរុញ​ឲ្យ Ronaldo ទិញ​សិទ្ធ​ឈ្មោះ “Camp Nou” របស់​ Barcelona។

សារ​នេះ​លេចឡើង​នៅ​ពេល​ដែល Bleacher Report បាន​ចុះ​ផ្សាយ​ដំណឹង​ផ្លូវការ​ដែល​ថា Barcelona បាន​ប្រកាស​លក់​សិទ្ធ​នៃ​ការ​ប្រើប្រាស់​ឈ្មោះ Camp Nou ដើម្បី​រៃអង្គាស​យក​ទៅ​ប្រយុទ្ធប្រឆាំង​នឹង​ជំងឺ​ COVID-19។

ភ្លាម​នោះ​លោក Ahmad បាន​សរសេរ​ដោយ​ Mention ឈ្មោះ Cristiano Ronaldo ​ជំរុញ​ឲ្យ​តារា​ឆ្នើម Juventus ចាយ​លុយ​ទិញ​យក ហើយ​ឲ្យ​ប្តូរ​ឈ្មោះ​ទៅ​ជា CR7 ឬ CR7 Stadium ជំនួស​ដោយ Camp Nou Stadium វិញ។

សារ​នេះ​បាន​ធ្វើ​ឲ្យ​អ្នក​គាំទ្រ​មាន​ការ​ភ្ញាក់ផ្អើល​ជា​ខ្លាំង ហើយ​ក៏​ប្រាកដ​ច្បាស់​ថា​វា​មិន​អាច​កើតឡើង​ទៅ​បាន​ឡើយ ទាំង​ដែល CR7 ពី​ដើម​ឡើយ ក៏​ជា​គូបដិបក្ខ​របស់​អ្នក​មាន​បុណ្យ​ស្រាប់​ដែរ​នោះ៕

ប្រភព៖ AF

ភ្ជាប់ទំនាក់ទំនងជាមួយ CTS SPORT