នៅកម្មវិធីឆ្លើយសំណួរចម្លើយ Q&A លើគេហទំព័រផ្លូវការរបស់ក្លឹប Arsenal អ្នកចាត់ការលោក Mikel Arteta ត្រូវបានគេសួរនាំអំពីសំណួរមួយ ថាតើលោកនឹងនាំយកវីរបុរសរូបណាមកដាក់ក្នុងប្រព័ន្ធលេងរបស់ក្លឹបនាពេលបច្ចុប្បន្ន។
ភ្លាមនោះ អ្នកចាត់ការវ័យ ៣៨ ឆ្នាំបានបង្ហាញការចាប់អារម្មណ៍ដល់ជើងចាស់កាំភ្លើងធំ ២ រូបមានអតីតកីឡាករលោក Vieira និង Henry។
លោក Arteta ឆ្លើយ៖ “ពិតណាស់គឺមានកីឡាករជាច្រើន តែសម្រាប់ក្លឹបរបស់យើង ប្រសិនអាចមានកីឡាករដូចជា Thierry Henry និង Patrick Vieira វាប្រាកដជាល្អ”។
ចំពោះកីឡាករដែល Arteta គោរពឲ្យតម្លៃបំផុតកាលពីនៅកុមារភាព នោះគឺ Michael Laudrup ដោយលោកនិយាយថាលោកស្រលាញ់ពេញចិត្ត Michael ខ្លាំងណាស់ និងជាពិសេសគឺចង្វាក់លេងរបស់លោក៕
ប្រភព៖ Metro