ក្រុម Inter Miami របស់ David Beckham កំពុងសម្លឹងឃើញខ្សែបម្រើប្រយុទ្ធ James Rodriguez ដើម្បីមកជួយក្រុមកសាងប្រវត្តិសាស្ត្រថ្មី។
James មិនមានឱកាសដើម្បីបានលេងនៅក្រុម Real Madrid នោះទេ ក្រោមការដឹកនាំរបស់លោក Zidane ។ រូបគេត្រូវបានក្លឹបដទៃខ្ចីជើង និងត្រលប់មកវិញ អង្គុយកៅអីបម្រុងដដែល។ សម្រាប់រដូវកាលថ្មីខាងមុខ ក្រុមអធិរាជសបានដាក់ឈ្មោះកីឡាករកូឡុំប៊ីខាងលើក្នុងបញ្ជីលក់ចេញដដែល។
មានក្លឹបជាច្រើនចាប់អារម្មណ៍លើកីឡាករវ័យ២៨ឆ្នាំខាងលើនេះ។ ដោយក្នុងនោះក៏មានក្លឹបទើបបង្កើតថ្មី Inter Miami នៅអាមេរិកមួយផងដែរ។ ក្រោមការគ្រប់គ្រងរបស់ Beckham ក្លឹបបាល់ទាតនៅអាមេរិកមួយនេះ បានទាក់ទងកីឡាករឆ្នើមៗនៅអឺរ៉ុបជាច្រើន ហើយ James គឺជាគោលដៅរបស់ពួកគេសម្រាប់រដូវកាលខាងមុខ៕ប្រភព Marca
