UEFA ច្រានចោល​ថា​គ្មាន​ការ​ណែនាំ​ពី WHO ឲ្យ​ផ្អាក​លេង​បាល់ទាត់​ដល់​ចុង​ឆ្នាំ ២០២១ ទេ

ថ្មីៗ​នេះ​ធ្លាប់​មាន​របាយការណ៍​ចុះ​ផ្សាយ​ថា​អង្គការ​សុខភាព​ពិភពលោក WHO បាន​ប្រកាស​ណែនាំ​ឲ្យ​វិស័យ​កីឡា​បាល់ទាត់​ទាំង​អស់ ត្រូវ​ផ្អាក​រហូត​ដល់​ចុង​ឆ្នាំ ២០២១។ រឿងរ៉ាវ​នេះ​បាន​ធ្វើ​ឲ្យ​អ្នក​គាំទ្រ​មួយ​ភាគ​ធំ​មាន​ការ​ស្រងាក​ចិត្ត​ជា​ខ្លាំង ដោយ​បារម្ភ​ថា​វា​អាច​ក្លាយ​ជា​ការ​ពិត។

យ៉ាងណាមិញ​តាម​សេចក្ដី​ប្រកាស​របស់ UEFA ​នៅ​ពេល​ចុង​ក្រោយ​នេះ ក៏​បាន​ច្រានចោល ថា​វា​ជា​ព័ត៌មាន​មិន​ត្រឹមត្រូវ ពោល​គ្មាន​អង្គការ​សុខភាព​ពិភពលោក​ដាក់​សម្ពាធ​លើ​ការ​ណែនាំ​ណា​មួយ​សម្រាប់​វិស័យ​បាល់ទាត់​នោះ​ទេ។

បញ្ជាក់​ថា​ដំណឹង​ចុងក្រោយ នៅ LaLiga ដែល​ជា​លីគ​កំពូល​របស់​អេស្ប៉ាញ​អាច​នឹង​វិល​ត្រលប់​នៅ​ដើម​ខែ ​មិថុនា ខណៈ​នៅ Bundesliga អាច​លេង​នៅ​អំឡុង​ខែ​ឧសភា រី​ឯ Premier League អាច​ចុង​ខែ​មិថុនា ​និង​លីគ​ហូឡង់​ទំនង​រំសាយ​ចោយ​ដូច​នឹង​លីគ​បែលហ្សិក៕

ប្រភព៖ SportBible

ភ្ជាប់ទំនាក់ទំនងជាមួយ CTS SPORT