អតីត​គ្រូ​ចាស់​ប្រាប់​ឲ្យ Willian ផ្លាស់​ទៅ​ក្លឹប​យក្ស​មួយ​នេះ ប្រសិន​ត្រូវ​ចាកចេញ​ពី Chelsea

តារា​ឆ្នើម Willian ​នឹង​ត្រូវ​ផុត​កុងត្រា​ជាមួយ​ក្លឹប​តោខៀវ Chelsea នា​ចុង​ខែ​មិថុនា​ខាង​មុខ​នេះ ហើយ​ក្លាយ​ខ្លួន​ជា​កីឡាករ​ឥត​តម្លៃ​ខ្លួន​ដែល​អាច​ចាកចេញ​ទៅ​កាន់​ក្លឹប​ណាៗ​បាន​ទាំង​អស់។

តាម​ការ​លើក​ឡើង​របស់​អតីត​គ្រូ​ចាស់​នៅ Shakhtar Dontsk គឺ​លោក Mircea Lucescu បាន​និយាយ​ថា Willian គួរ​តែ​ផ្លាស់​ទៅ​ចូលរួម​នៅ​ក្លឹប Juventus ដែល​ជា​ទ្រនំ​សក្តិសម​បំផុត​បន្ទាប់​ពី Chelsea។

ប្រាប់​សារព័ត៌មាន លោក Lucescu និយាយ៖ “ពិត​ណាស់​វា​គួរ​តែ​បែប​ហ្នឹង [Willian ផ្លាស់​ទៅ Juventus] ដោយ​ខ្ញុំ​ពិត​ជា​រីករាយ​នឹង​ការ​ដែល​ឃើញ Willian ជ្រើស​យក Juventus ដោយ​វា​ពិត​ជា​អស្ចារ្យ​អាច​ឃើញ​គាត់​គ្រោង​ឈុត​សេះ​បង្កង់”។

បញ្ជាក់​ថា​លោក Lucescu ធ្លាប់​បាន​ដឹកនាំ Willian អំឡុង​ពេល​លេង​នៅ Shaktar នា​ចន្លោះ​ឆ្នាំ ២០០៧ ដល់ ២០១៣ មុន​ពេល​ខ្សែ​ប្រយុទ្ធ​ស្លាប​រូប​នេះ​ផ្លាស់​ទៅ​ចូលរួម​នៅ​អង់គ្លេស៕ ប្រភព៖ AF

ភ្ជាប់ទំនាក់ទំនងជាមួយ CTS SPORT