ក្រុមអ្នកមាន PSG បានដាក់គោលដៅយកកីឡាករ Theo Hernandez និង Achraf Hakimi សម្រាប់រៀបចំក្រុមនារដូវកាលខាងមុខ។
ដើម្បីពង្រឹងតំបន់ការពាររបស់ខ្លួន ក្រុម PSG ត្រូវការខ្សែការពារល្អៗបន្ថែមទៀត។ ពួកគេកំពុងតាមដាននិងពេញចិត្តខ្លាំងចំពោះកីឡាករ២រូបគឺ Theo របស់ AC Milan និង Hakimi របស់ក្រុម Real Madrid ដែលកំពុងលេងឱ្យក្រុម Dortmund ក្រោមលក្ខខណ្ឌខ្ចីជើង។ Theo ដែលមានតម្លៃខ្លួន១៧លានអឺរ៉ូ ពេលផ្លាស់មកពីក្រុម Real Madrid រដូវកាលមុននោះ បានក្លាយជាកីឡាករសំខាន់ក្នុងការជួយក្រុម AC Milan រដូវកាលនេះ។
ដោយឡែកសម្រាប់ Hakimi វិញ តាំងពីទៅលេងនៅក្រុម Dortmund មក រូបគេបង្ហាញសមត្ថភាពល្អមែនទែន។ ក្រុម Dortmund ចង់ទិញយកពីក្រុមអធិរាជសដាច់តែម្ដង ប៉ុន្តែក្រុមរបស់លោក Zidane ប្រហែលមិនចង់លក់ឡើយ ថែមទាំងចង់យកមករួមក្រុមវិញទៀត។ តែយ៉ាងណា PSG ក្រុមដែលសំបូរធនធាន អាចនឹងជះប្រាក់របស់ខ្លួន ដើម្បីនាំយកខ្សែការពារស្លាបសញ្ជាតិម៉ារ៉ុកនេះមកឱ្យបាន៕ប្រភព Dailymail
