តាមរបាយការណ៍ចុងក្រោយបង្អស់ពីសារព័ត៌មាន Mundo Deportivo បានចុះផ្សាយ រឿងរ៉ាវរបស់ Neymar Jr មកទល់ពេលបច្ចុប្បន្ននេះ គឺស៊ីសងលើសាមីខ្លួនផ្ទាល់ជាអ្នកសម្រេច ពោលទាក់ទិននឹងថ្លៃពលកម្មដែលមានភាពខុសគ្នាមេឃនឹងដីរវាងក្លឹប PSG និង Barcelona។
ប្រភពបានឲ្យដឹងថា បើ Neymar ព្រមបន្តឈរជើងឲ្យក្លឹបសេដ្ឋីបារាំង នោះថ្លៃពលកម្មកប់ពពកច្រើនជាង ៥០ លានអឺរ៉ូ/ឆ្នាំ របស់គេនឹងនៅតែបន្តទទួលបាន ផ្ទុយទៅវិញបើសម្រេចថយមួយជំហានត្រលប់មកក្លឹបចាស់ Barcelona នោះតម្លៃពលកម្មនឹងទទួលបានក្បែរ ២០ លានអឺរ៉ូ ដែលវាទាបជាងមុន ៥០-៦០ ភាគរយឯណោះ។
បញ្ជាក់ថានារដូវកាល ២០១៩/២០ ខ្សែប្រយុទ្ធសញ្ជាតិប្រេស៊ីលរកបាន ១៨ គ្រាប់និង Assist ១០ លើកនៅ ២២ ប្រកួតសរុបឲ្យក្លឹប PSG ហើយនៅ UCL ក៏កំពុងបោះជំហានទៅកាន់វគ្គ ៨ ក្រុម ក្រោយផ្តួល Dortmund កាលពីប៉ុន្មានខែមុន៕
ប្រភព៖ BeSoccer