ខ្សែបម្រើ Eden Hazard បានជួយក្រុមជម្រើសជាតិបែលហ្សិក ទទួលបានលេខ៣ក្នុងពានរង្វាន់ FIFA World Cup 2018 នេះ បន្ទាប់ពីយកឈ្នះលើក្រុមអង់គ្លេស ២-០។ 
Hazard ជាកីឡាករញាក់បាល់បានជោគជ័យជាងគេនៅព្រឹត្តិការណ៍ World Cup នេះ ហើយក៏ជាកីឡាករសំខាន់សម្រាប់ក្រុមបែលហ្សិកផងដែរ។ ខ្សែបម្រើស្លាបរូបនេះ បច្ចុប្បន្នកំពុងតែចង់ចាកចេញពីក្លឹបអាជីព Chelsea ហើយ ក្រោយចប់ World Cup នេះ ដើម្បីស្វែងរកបទពិសោធថ្មី។
ស្របពេលដែលរូបគេផ្ទាល់បានបង្ហាញចំណាប់អារម្មណ៍ថាចង់ទៅលេងនៅ Real Madrid ដែលជាក្លឹបក្នុងក្ដីស្រមៃរបស់ខ្លួន។ជាមួយគ្នានេះដែរ កាលពីប៉ុន្មានថ្ងៃមុននោះ មានដំណឹងមកថា Real Madrid បានសាកសួរតម្លៃខ្លួនរបស់កីឡាករខាងលើហើយ ដោយអាចឈានដល់១៥០លានផោនឯណោះ ទើបក្រុម Chelsea លក់។
យ៉ាងណាមិញ នេះមិនទាន់ជាតម្លៃផ្លូវការនៅឡើយទេ អាចនឹងមានការប្រែប្រួលទៀត ទៅតាមជាក់ស្ដែង ត្បិតអីកីឡាករផ្ទាល់ចង់ទៅលេងនៅអេស្ប៉ាញស្រាប់។Hazard បាននិយាយក្រោយចប់ការប្រកួតយប់មិញនេះដែរថា រូបគេត្រូវដល់ពេលដែលមានការផ្លាស់ហើយ។ អ្វីៗនៅថ្ងៃអនាគត គ្មាននរណាដឹង ប៉ុន្តែការផ្លាស់ប្ដូរអ្វីនឹងមានឡើងសម្រាប់ខ្លួននៅរដូវកាលក្រោយនេះ៕ប្រភព៖ dailymail
