ក្រុមកាំភ្លើងធំ Arsenal កំពុងចាប់អារម្មណ៍លើខ្សែប្រយុទ្ធ Rodrigo Moreno របស់ក្រុម Valencia ដើម្បីមកជំនួសតំណែងកីឡាករ Pierre-Emerick Aubameyang ។
Pierre-Emerick Aubameyang បានបង្ហើបថារូបគេចង់ចាកចេញពីក្រុម Arsenal ដើម្បីស្វែងរកក្លឹបថ្មីទៀត ក្នុងន័យស្វែងរកការប្រកួតប្រជែងថ្មី និងអាចឈ្នះពានរង្វាន់ធំៗបាន។ ដោយសារតែកីឡាករបង្ហើបយ៉ាងនេះហើយ ទើបបានជាក្រុម Arsenal ត្រូវមើលកីឡាករថ្មីដើម្បីមកជំនួសនៅតំបន់ខាងលើ។ ម្នាក់ថ្មីដែលក្រុមលោក Arteta កំពុងមើលនោះគឺ Rodrigo ។
Rodrigo បានក្លាយជាកីឡាករម្នាក់ក្នុងចំណោមកីឡាករឆ្នើមៗ បំផុតរបស់ La Liga ក្នុងប៉ុន្មានឆ្នាំមកនេះ។ តម្លៃខ្លួនរបស់គេពីមុនប្រមាណ១០០លានផោន ប៉ុន្តែបើតាមស្ថានភាពបច្ចុប្បន្ននេះ ត្រូវបានគេមើលឃើញថាធ្លាក់មកត្រឹម៥០លានផោនប៉ុណ្ណោះ។ តម្លៃនេះ ប្រសិនបើក្រុម Arsenal លក់ Aubameyang បាន នោះពួកគេអាចទិញយក Rodrigo បានហើយ៕ប្រភព Dailymail
