Samir Nasri អាចនឹងត្រូវក្លឹប Anderlecht បណ្ដេញចេញ ក្រោយពីរូបគេមិនព្រមទំនាក់ទំនងមកក្លឹបសោះ អំឡុងពេលសម្រាកនៅផ្ទះដោយសារតែមេរោគ Covid-19 ។
អតីតកីឡាករ Manchester City ខាងលើនេះត្រូវបានគេដឹងថាបានហោះទៅលេងនៅ Dubai ហើយក្លឹបបានព្យាយាមទាក់ទងសួរនាំរូបគេ។ តែការព្យាយាមទាក់ទងនោះមិនបានសម្រេចឡើយ។ បើតាមច្បាប់កីឡាករទាំងអស់ត្រូវរាយការណ៍មកក្លឹប នៅពេលចង់ទៅណាមកណា ប៉ុន្តែសម្រាប់ Samir នេះ បានល្មើសច្បាប់នេះទៅហើយ។ រូបគេនឹងប្រឈមជាមួយការដកចេញពីក្លឹបនៅពេលត្រលប់មកវិញ។
រំលឹកថាកាលពីមុន Nasri ធ្លាប់ត្រូវពិន័យ១៨ខែម្ដងមកហើយ ដោយសារតែរូបគេបានប្រើប្រាស់សារធាតុប៉ូវកម្លាំងខុសច្បាប់។ យ៉ាងណាមិញ កីឡាករវ័យ៣២ឆ្នាំនេះ កំពុងប្រឈមជាមួយការពិន័យដោយសារតែមិនទាក់ទងទៅក្លឹបទៀតហើយ៕ប្រភពោះ Dailymail
