លោក Roberto Martinez គ្រូបង្វឹកក្រុមជម្រើសជាតិបែលហ្សិក មានជំនឿចិត្តថា Eden Hazard នឹងលេងល្អឡើងវិញមិនខានសម្រាប់រដូវកាលក្រោយនេះ។
Hazard កំពុងសម្រាកព្យាបាលរបួសរបស់ខ្លួន ក្រោយពីមានរដូវកាលមិនល្អទាល់តែសោះជាមួយក្រុម Real Madrid ។ ក្រោមការដឹកនាំរបស់លោក Zidane នៅក្រុមអធិរាជស រូបគេតែងតែមានឱកាសជម្រើស១១នាក់ដំបូងជានិច្ច ប៉ុន្តែគួរឱ្យសោកស្ដាយ កីឡាករបែលហ្សិកខាងលើមិនអាចធ្វើបានល្អដល់កម្រិតកំពូលរបស់ខ្លួន ដូចកាលនៅក្រុម Chelsea ឡើយ។
តែសម្រាប់មតិរបស់លោក Martinez វិញ មើលឃើញថាសុបិនអាក្រក់របស់ Hazard នឹងកន្លងផុតទៅឆាប់ៗ។ ខ្សែប្រយុទ្ធរូបនេះ នឹងមានទម្រង់លេងល្អឡើងវិញនៅរដូវកាលក្រោយ។ កីឡាករទាំងអស់ តែងតែជួបផលលំបាកជានិច្ច នៅពេលរដូវកាលដំបូងនៅក្លឹបថ្មី ហើយ Hazard ក៏ដូចគ្នា៕ប្រភព Dailymail
