ក្រុមបិសាចក្រហម Manchester United មានទំនុកចិត្តខ្ពស់ថាពួកគេនឹងយកបានខ្សែប្រយុទ្ធស្លាប Sancho មករួមក្រុមសម្រាប់រដូវកាលថ្មីខាងមុខនេះហើយ។
ក្រុមបិសាចក្រហម ពិតជាចង់បាន Sancho មែនទែនសម្រាប់រដូវកាលខាងមុខ ព្រោះពួកគេយល់ឃើញថាវត្តមានរបស់កីឡាករវ័យក្មេងនេះ នឹងជួយក្រុមបានច្រើនមិនខាន។ ប្រភពនៅអង់គ្លេស បានបង្ហើបថាក្រុមរបស់លោក Ole បានទាក់ទងកីឡាករវ័យ២០ឆ្នាំនេះជាយូរមកហើយ ដើម្បីផ្លាស់មកលេងនៅ Old Trafford ។ ពួកគេជាក្រុមតែមួយគត់ដែលមានភាគរយខ្ពស់ជាងគេ។
ខ្សែប្រយុទ្ធរូបនេះ មានតម្លៃខ្លួនដល់ទៅ១០០លានអឺរ៉ូទៅហើយ ក្រោយពីបង្ហាញទម្រង់លេងល្អរដូវកាលនេះ។ ក្លឹបធំៗជាច្រើនចង់បានអតីតកីឡាករ Man City ខាងលើ ប៉ុន្តែតម្លៃ១០០លានផោននេះ គឺជាឧបសគ្គធំសម្រាប់ពួកគេ ត្បិតអីបញ្ហាមេរោគ Covid-19 បានបំផ្លាញសេដ្ឋកិច្ចក្លឹបបាល់ទាត់មិនតិចនោះទេ៕ប្រភព Dailymail