ក្រុមបិសាចក្រហម Manchester United នឹងមិនស្នើសុំកីឡាករដើម្បីកាត់ប្រាក់ឈ្នួលនោះទេ បើទោះជាពួកគេនឹងខាតបង់ប្រាក់រាប់លានដោយសារតែវិបត្តិ Covid-19 ក៏ដោយ។ក្រុម Man Utd អាចនឹងខាតប្រាក់ជាង២១លានផោន ប្រសិនបើរដូវកាលនេះត្រូវលេងដោយបិទទ្វាមិនឱ្យអ្នកគាំទ្រចូលទស្សនា។ បើទោះជាយ៉ាងនេះក្ដី ក្រុមបិសាចក្រហមនឹងមិនស្នើសុំកាត់ប្រាក់ឈ្នួលខ្លះពីកីឡាករនោះទេ។ ការធានាបានបែបនេះ គឺដោយសារតែពួកគេមានប្រាក់ចំណេញច្រើនកាលពីរដូវកាលមុន ដើម្បីទប់ការចំណាយបាននារដូវកាលនេះ។
រំលឹកថាបញ្ហា Covid-19 បានធ្វើឱ្យមានវិបត្តិហិរញ្ញវត្ថុកើតឡើងសម្រាប់ក្លឹបបាល់ទាត់នានា។ ពួកគេត្រូវចំណាយប្រាក់បង់ឈ្នួលកីឡាករជាធម្មតា ប៉ុន្តែមិនមានចំណូលមកវិញឡើយ។ ហេតុដូច្នេះហើយ ទើបបានជាក្លឹបមួយចំនួនបានស្នើសុំកីឡាករដើម្បីកាត់ប្រាក់ឈ្នួលខ្លះ ជួយដល់ក្លឹបនៅគ្រានេះ៕