ក្រុមកីឡាករ Chelsea បានយល់ព្រមដើម្បីកាត់ប្រាក់ឈ្នួលរបស់ខ្លួន១០% រយៈពេល៤ខែហើយ ដើម្បីជួយក្លឹបឱ្យឆ្លងផុតដំណាក់កាលលំបាកគ្រាមេរោគ Covid-19 ។Cesar Azpilicueta ប្រធានក្រុម Chelsea ជាអ្នករ៉ាប់រងចរចាជាមួយក្រុមកីឡាករ និងថ្នាក់ដឹកនាំ។ ក្រោយពីដំណើរការអស់រយៈពេលច្រើនថ្ងៃមក ទើបពេលនេះសម្រេចជារូបរាងហើយ គឺពួកគេព្រមកាត់ប្រាក់ឈ្នួល១០% រយៈពេល៤ខែ។ ក្លឹបនៅអង់គ្លេស ដទៃទៀតក៏ចាប់ផ្ដើមវិធានការចរចាកាត់ប្រាក់ឈ្នួលកីឡាករដូចគ្នា ដើម្បីបន្ធូរការចំណាយរបស់ក្លឹបបន្តិច។
លីគអង់គ្លេស គ្រោងនឹងប្រមូលផ្ដុំកីឡាករហ្វឹកហាត់នៅថ្ងៃទី១៨ខែក្រោយនេះ ដើម្បីអាចចូលប្រកួតបានវិញនៅពេលឆាប់ៗនេះ។ តែយ៉ាងណាក្ដី ការប្រកួតវិញនោះនឹងត្រូវលេងដោយបិទទ្វា មិនឱ្យកីឡាករចូលទស្សនានោះទេ៕
ប្រភព៖ DailyMail
