ម៉ាត់ នូរុណ វះកាត់របួសដោយជោគជ័យហើយ តែ​ត្រូវព្យាបាល២ខែ

កីឡាករ ម៉ាត់ នូរុណ បានទទួលការវះកាត់ដោយជោគជ័យនៅរសៀលនេះ ក្រោយទទួលរងរបួសជាថ្មីអំឡុងពេលប៉ះទង្គិចក្នុងការប្រកួត ទល់នឹងណាហ្គាវើលដ៍ កាលពីថ្ងៃទី ២៩ ខែកុម្ភៈកន្លងទៅ។

បើតាមការបញ្ជាក់ឲ្យដឹងពីក្រុមគ្រូពេទ្យប្រចាំក្រុមបានបញ្ជាក់ថា នូរុណ មិនមានបញ្ហាដាច់សសៃជង្គង់ (ACL) ដូចពេលមុនឡើយ ពោលគឺគ្រាន់តែ បែកទ្រនាប់ឆ្អឹង ដែលបណ្ដាលមកពីការប៉ះទង្គិចខ្លាំងក្នុងការប្រកួត ហើយរបួសនេះ ត្រូវតម្រូវឲ្យរូបគេ សម្រាកព្យាបាល ចន្លោះពី ១ខែកន្លះទៅ២ខែ ទើបអាចវិលត្រឡប់មកធ្វើការហ្វឹកហាត់បានវិញ១០០%។

សម្រាប់រដូវកាលថ្មីនេះ នូរុណ បង្ហាញខ្លួនក្នុងជម្រើស ១១នាក់ដំបូង បាន៣ប្រកួត និងរកគ្រាប់បាល់ បាន១គ្រាប់ឲ្យក្រុមក្នុងជំនួប ១-១ ជាមួយអង្គរថាយហ្គឺរ កាលពីសប្តាហ៍ទី១កន្លងទៅ ហើយក៏សូមជូនពរឲ្យ នូរុណ ឆាប់ជាសះស្បើយដើម្បីវិលត្រឡប់មកជួយក្រុមវិញនាពេលដ៏ខ្លីខាងមុខ។

ភ្ជាប់ទំនាក់ទំនងជាមួយ CTS SPORT