Thibaut Courtois អ្នកចាំទីដៃទីមួយបច្ចុប្បន្នរបស់ក្លឹប Real Madrid បាននិយាយត្រង់ៗថាអតីតកាលរបស់ខ្លួនក៏កើតចេញពីការតាមដាន Iker Casillas កាលពីខ្លួននៅក្មេងផងដែរ ទម្រាំមានដល់ថ្ងៃនេះ។
Casillas ត្រូវបាន Courtois រាប់ចូលជាវីរបុរសមួយរូប ដែលរុញឲ្យ Courtois មានទឹកចិត្តចង់លេងជាតំណែងអ្នកចាំទី ប៉ុន្តែគំរូក្នុងដួងចិត្តរបស់អ្នកចាំទីសញ្ជាតិបែលហ្សិកគឺ Edwin van der Sar ដែលជាដៃស្អិតរបស់ Man Utd ឯណោះទេ។
ប្រាប់លើបណ្តាញសង្គម Courtois និយាយ៖ “ពេល Iker ចាប់ផ្តើមលេងឲ្យ Real Madrid ខ្ញុំបានទស្សនាការប្រកួតរបស់គាត់ ហើយរុញឲ្យចិត្តខ្ញុំចង់ចាប់តំណែងជាអ្នកចាំទីដូចជារូបគាត់“។
កីឡាករកម្ពស់ខ្ពស់បន្ថែម៖ “ខ្ញុំចូលចិត្តមើលការលេងរបស់គាត់ ហើយខ្ញុំស្រលាញ់ក្លឹប Real Madrid តែដល់អាយុ ១៤ ឆ្នាំ ខ្ញុំមើលឃើញថាខ្លួនឯងមានកម្ពស់ខ្ពស់ហើយសម្បុរស ខ្ញុំក៏ចាប់ផ្តើមយក Van der Sar ធ្វើជាគំរូ និងដើរតាមគន្លងរបស់គាត់ ព្រោះគ្រប់យ៉ាងរបស់គាត់ស្រដៀងនឹងខ្ញុំខ្លាំងណាស់“៕
ប្រភព៖ AF