ឆ្លើយតបនឹងវិបត្តិហិរញ្ញវត្ថុដែលក្លឹបទាំងអស់នៅអឺរ៉ុបកំពុងប្រឈមខ្លាំង រុញឲ្យការនាំយកកីឡាករនៅទីផ្សារដោះដូរពេលខាងមុខ ទំនងជាប្រើប្រាស់យុទ្ធសាស្រ្តដោះដូរកីឡាករ ជាជាងការចាយលុយទាំងដុល។
តាមការបញ្ជាក់របស់លោក Bartomeu ប្រធានក្លឹប Barcelona បាននិយាយហើយថា៖ “នឹងមិនមានការចាយលុយច្រើននោះទេនៅទីផ្សារដោះដូរ ព្រោះដោយសារការផ្ទុះនៃវីរុស តែយើងអាចមើលឃើញពីការដោះដូរកីឡាករច្រើនជាង”។
ជុំវិញរឿងនេះ តាមសារព័ត៌មាន ESPN បានចុះផ្សាយថាមានតែកីឡាករ ៣ រូបគត់ដែលធានាថានឹងមិនបាត់បង់នៅរដូវកាលក្រោយ រួមមានអ្នកចាំទី Ter Stegen ខ្សែបម្រើ Frenkie de Jong និងខ្សែប្រយុទ្ធ Lionel Messi។
អ្នកទាំងបីសុទ្ធសឹងរាប់ចូលជាកីឡាករដែលចាំបាច់ មិនអាចខ្វះបាន ពោលប្រភពបានជឿជាក់ថាគ្មានការដោះដូរណាមួយដែលនឹងប្រើប្រាស់ឈ្មោះកីឡាករទាំងបីខាងលើឡើយ៕
ប្រភព៖ SportBible
