ក្រុម FC Barcelona ទទួលបានចំណូលច្រើនពីកាប្រកួតក្នុងទឹកដីម្ដងៗ ព្រោះ១ប្រកួតពួកគេអាចរកបាន៣,៣លានអឺរ៉ូឯណោះ។
ក្របខណ្ឌ La Liga មានគម្រោងត្រលប់រកការប្រកួតវិញហើយ ក្រោយពីអេស្ប៉ាញថយចុះបន្តិចជាមួយមេរោគ Covid-19 ។ បច្ចុប្បន្នរោងចក្រសំខាន់ៗ និងកន្លែងមួយចំនួនចាប់ផ្ដើមបើកដំណើរការវិញហើយ។ ក្នុងនោះ ព្រឹត្តិការណ៍ប្រកួតបាល់ទាត់ La Liga ក៏ចង់ឱ្យមានការប្រកួតវិញឆាប់ៗផងដែរ។ តែការប្រកួតនោះ នឹងត្រូវលេងដោយបិទទ្វា មិនឱ្យអ្នកគាំទ្រចូលទស្សនានោះទេ មានតែលើកញ្ចក់ទូរទស្សន៍ប៉ុណ្ណោះ។
ប្រសិនបើដូច្នេះមែន ក្លឹបធំៗជាច្រើននឹងប្រឈមការខាតបង់ប្រាក់ហើយ។ ជាក់ស្ដែង ១ប្រកួតក្នុងដីរបស់ Barcelona អាចរកចំណូលបានដល់៣,៣លានអឺរ៉ូឯណោះ។ ដូច្នេះបើលេងដោយគ្មានអ្នកគាំទ្រ នោះ១ប្រកួតពួកគេខាតអស់៣,៣លានអឺរ៉ូ ហើយទម្រាំចប់រដូវកាលនេះ ពួកគេអាចនឹងខាតប្រាក់ប្រមាណ២០ទៅ២៥លានអឺរ៉ូ៕ប្រភព Marca
