Borussia Dortmund បានដាក់គោលដៅយកខ្សែប្រយុទ្ធវ័យក្មេង Greenwood ពី Manchester United ប្រសិនបើក្រុមនេះពិតជាទិញយក Sancho ពីពួកគេមែននោះ។
ក្រុមបិសាចក្រហម Man Utd ព្យាយាមទិញយកកីឡាករ Sancho ឱ្យបានពីក្រុម Dortmund នៅរដូវកាលដោះដូរខាងមុខនេះ។ តម្លៃខ្លួនរបស់កីឡាករអង់គ្លេសនេះ អាចដល់ជាង១០០លានផោន ដោយសារតែមានក្លឹបជាច្រើនចង់បានរូបគេ អមជាមួយទម្រង់លេងដ៏អស្ចារ្យនាពេលកន្លងមក។
មើលឃើញ Man Utd ចង់បានខ្លាំងជាងគេ ក្រុម Dortmund ក៏បានដាក់សំណើមួយវិញផងដែរ។ ក្រុមនៅអាល្លឺម៉ង់សម្លឹងឃើញ Greenwood ជាអនាគតថ្មីមួយសម្រាប់ពួកគេ ដូច្នេះបើ Man Utd ទិញយក Sancho ទៅ នោះលោក Ole ត្រូវតែថែមកីឡាករវ័យ១៨ឆ្នាំមកឱ្យពួកគេ។ តែវាអាចជារឿងពិបាកបន្តិច ព្រោះថាបច្ចុប្បន្ននេះបិសាចក្រហម មិនចង់ឱ្យយុវជនឆ្នើមៗរបស់ខ្លួនចាកចេញទៅណានោះទេ៕ប្រភព Dailymail